Politics

Дайныг дэмжсэн Оросын гимнастикч эрхээ хасуулжээ DNN.mn


ОХУ-ын гимнастикч Иван Куляк өнгөрсөн гуравдугаар сард Катарт болсон Дэлхийн аварга шалгаруулах тэмцээний үеэр дайны бэлгэ тэмдэг бүхий өмсгөлтэй индэр дээр гарсан. Тэрбээр Украины тамирчинтай зэрэгцэж индэр дээр гарч медалиа авсан ба “Z” үсэгтэй өмсгөл өмссөн байсан нь анхаарал татсан юм.

ОХУ-д “Z” үсэг нь Путины түрэмгийллийн бэлгэ тэмдэг гэж нэрлэгдэх болсон. Энэ нь улстөрчдийн дунд дэлгэрч, машин, сурталчилгааны самбар, автобусны зогсоол гээд хаа сайгүй харагдах болжээ. Мөн Белград хотод болсон Оросыг дэмжигчдийн жагсаалын үеэр “Z” үсгийг ашигласан.

Уг үйлдлийг Олон улсын гимнастикийн холбоо шалгаж, Кулякийг гимнастикийн ёс зүйн хорооны сахилгын дүрмийг зөрчсөн гэсэн үндэслэлээр шийтгэлээ. 20 настай тамирчин залуу 12 сарын турш Олон улсын гимнастикийн холбооноос зохион байгуулдаг аливаа арга хэмжээ, тэмцээнд оролцох эрхгүй болжээ.

Түүнчлэн Куляк шагналын 403 фунт стерлингээ эргүүлэн төлж, шүүх хурлын зардлын шимтгэлд 1612 фунт стерлинг төлөх болсон байна. Медалиа ч мөн буцааж өгөх ёстой боловч түүнд давж заалдах 21 хоногийн хугацаа бий.





Source link

Leave a Reply

Your email address will not be published.